ВИОНИЗЕР претставува аудио-визуелна програма која е наменета за индуцирање (поттикнување) оптимална мозочна синхронизација по пат на ресетирање на негативните ментални активности и позитивно сетирање на односот ум-тело. Едноставен е за употреба овозможувајќи едновремено исцелувачко и креативно искуство. По неколку минути на оптималната употреба корисникот се чувствува сосоема поинаку! Ефектите кои ги предизвикува ВИОНИЗЕР упатуваат на ослободување на хормонот ендорфин во организмот на корисникот.

ВИОНИЗЕР е создаден согласно современите сознаниа од областа на невробихевиоралната наука, проверените терапевтски методи на менталното репроцесирање (ЕМДР), долгогодишните ускуства во третманот на стресните и анксиозните пореметувања, како и автентичните искуства во успешната примена на арт-терапијата (лечебната уметност). Тој содржи специфичен, научно потврден, спектар на аудио-визуелни фреквентни секвенци кои му овозможуваат на мозокот да ги одблокира и репроцесира блокираните содржини во умот и телото, а потоа и да ја реституира оптималната синхронизација на својата активност. Во исто време овие содржини предизвикуваат крајно позитивно естетско доживување.

Употреба

ВИОНИЗЕР е наменет за третирање на: општата напнатост, внатрешната вознемиреност, нерасположението, анксиозноста, паничните состојби, фобиите, тремата, акутниот и хроничниот стрес, посттрауматските пореметувања, синдромот на прегорување, енергетскиот дефицит и дебаланс, психосоматските реакции поврзани со стрес (покачување на крвен притисок, тахикардија, вегетативни реакции на внатрешни органи итн.), хормонските и имунолошките пореметувања поврзани со стрес, несоницата, телесната болка од психичко потекло, недостатокот на мотивација, блокираната креативност итн. ВИОНИЗЕР се користи кај акутните пореметувања по потреба, а кај хроничните започнува со неколку пати неделно во првите две-три недели, па еднаш неделно неколку недели, па по потреба.

Процедура

1. 1. Подготви ги оптималните услови (заштитен простор, адекватна техничка опрема, удобна столица итн.)
2. 2. Фокусирај ја менталната содржина која во моментот создава психичко оптеретување/стрес
3. 3. Концентрирај се на телесната реакција (стегање во телото, блокада, немир, страв, слабост и сл.), лоцирај ја точно каде е во внатрешноста, остани со неа поврзан и почни да дишеш рамномерно, лесно и мирно
4. 4. Стартувај го ВИОНИЗЕР останувајќи во контакт со телесните ракции и дишењето
5. 5. Остани за цело време на траењето на програмата едновремено концентриран на тројната стимулација (аудио/визуелна/телесна) и продолжи да дишеш рамномерно, лесно и мирно

Напомена

• Доколку во моментот немате јасна ментална содржина на која би се фокусирале (чекор два), веднаш премините на третиот чекор (концентрација врз телесните реакции кои ги имате во моментот, итн.) и следователно останатите - како е погоре наведено во рецептурата.
• Ова програма не се препорачува кај особи кои страдаат од функционални мозочни растројства (епилепсија, под дејство на дроги, интоксикација, исцрпеност, итн.), психотично растројство и кои во моментот чувствуваат психичка растроеност, негативизам или тешкотии во вниманието.

Согласност

Се согласувам да ги следам упатствата, процедурите и напомените кои се однесуваат на оваа програма за интерактивна самопомош и прифаќам да постапувам според нив.